Nynorske Litteraturdagar 2025

Nynorske litteraturdagar 2025 går av staben 17. og 18. oktober. 

Nynorske litteraturdagar er ein liten og intim litteraturfestival, fullspekka med kjende og ukjende aktørar. Litteratur, språk, musikk, kunst og humor utgjer eit årleg kulturarrangement som me er svært stolte av å vera vertskap for.

Målet med Nynorske litteraturdagar har vore å etablera eit stort årleg kulturarrangement med vekt på nynorsk litteratur og språk. Me ynskjer også for framtida å laga eit program som appellerer til ulike målgrupper, både i høve til alder og interesseområde. Nynorske litteraturdagar skal ha regional og nasjonal profil, tufta på ei solid lokal forankring. Me har tru på at denne satsinga vil vera med på å byggja opp om ein positiv identitet, i høve til bruk av nynorsk og dialekt. Tradisjonsrike Fretheim Hotel i Flåm er festivalhotell.

Billettsal av litteratur- og musikkpass startar 1. juli kl 10:00. Programmet blir lansert ca 1. august. Følg med på www.nynorskelitteraturdagar.no for oppdateringar og informasjon!